Ekornes Møbelfabrikk tok inn 92 på prøvearbeid frå Nav – nesten alle fekk fast jobb

Ved Møbelfabrikken Ekornes i Sykkylven er arbeidsledige frå Nav ettertrakta arbeidskraft. – Noregsrekord i inkluderande rekruttering, meiner Nav-direktør.

FOTO: PER KJETIL VÅTMYR / EKORNES.

Kilde: NRK

– Det er ei suksesshistorie, både for bedrifta, dei tilsette, Nav, og for samfunnet. Alle er vinnarar i denne situasjonen, seier Stein Veland i Nav Møre og Romsdal.

Ekornes har tatt i mot 92 personar på prøvearbeid det siste året, 87 av desse har fått fast jobb.

Veland blir engasjert når han snakkar om prosjektet.

– Det må vere noregsrekord i inkluderande rekruttering. Vi kjenner ingen som har gjort det så godt.

Saman med Nav og flyktningtenesta i Sykkylven, har fabrikken henta inn arbeidslause.

Målet er at flest mogleg skal få fast jobb etter praksis.

– Vi har ei omfattande opplæring, så vi ønskjer at dei som startar her skal bli verande, seier Per Kjetil Våtmyr i Ekornes.

Der andre store selskap er heilt avhengige av å leige inn utanlandsk arbeidskraft, går dei motsett veg.

–Innleige er ikkje eit tema for oss. Vi har ingen innleigde på fabrikken. Fast tilsette gir oss stabilitet, seier Våtmyr.

Det er viktig at dei som kjem og får opplæring blir verande. Nav-direktøren trur dette betyr mykje for dei som søker jobb.

– Folk kjem ikkje berre inn for arbeidstrening, og så skal dei ut igjen. Det er folk dei skal tilsette. Eg trur det betyr mykje for Ekornes. Dei får gode og lojale medarbeidarar, seier Veland.

Relatert innhold

10.06.2025Designbase.no

Ny administrerende direktør i F&H

09.06.2025Designbase.no

Et år med transformasjon mot en sterkere Rosendahl Design Group

05.06.2025Designbase.no

Temu styrker innsatsen mot forfalskede produkter

04.06.2025Designbase.no

Fire megatrender vil øke kompleksiteten for bedrifter i 2025

26.05.2025Designbase.no

Amerikanske selskaper rammes av tollsatser

06.05.2025Designbase.no

Fargene i 2026 sier «Velkommen hjem»

05.05.2025Designbase.no

Rapport om den amerikanske interiørdesignbransjen

01.05.2025Designbase.no

CSRD suspendert

Events

Se alt

Hold deg oppdatert med designbase.no

Få gratis innsikt i de nyeste produktene, trendene og tendensene, spennende intervjuer, temaer og spennende arrangementer.

Copyright 2023